ཁྲི་ལྡེ་གཙུག་བརྟན།
༧༠༽ ཅོག་རོ་འབྲོང་གཤོར་གྱིས་འབྲོང་རྒོད་ཅིག་རི་ངོས་ནས་ཐུར་དུ་རྒྱུགས་པ་བདས་ནས་མཇུག་མ་ནས་འཛིན་ཐེངས་གཅིག་གིས་གྱེན་ལ་གཡུགས།
༧༡༽ དེར་རྔོག་གླིང་ཁམས་ཀྱིས་ལག་གཉིས་ཀས་འབྲོང་རྒོད་དེའི་ཟེ་བ་དང་མཇུག་མ་ནས་བཟུང་སྟེ། འགྱོགས་ཐེངས་གཅིག་གིས་མགོ་ལ་འཕྱར།
༧༢༽ རྔོག་རིང་ལ་ནག་པོས་དེ་ལས་ཀྱང་ཆེ་བ་ཞིག་འགྱོགས་འདོད་ཀྱིས་ཡར་བལྟ་མར་བལྟ་ཞིག་བྱས་ཏེ། རྒྱ་གར་གྱི་ཨ་ཙ་ར་ཞིག་གིས་ཁྲིད་པའི་གླང་པོ་ཆེ་ཞིག་ཡོད་པ་མཐོང་འཕྲལ། དེའི་འོག་ལ་འཛུལ་ནས་གཉའ་ལ་ཁུར་ཏེ་འགྱིངས་ནས་སོང༌།
༧༣༽ མགོས་གཡག་ཆུང་གིས། ཤ་བའི་རྐྱལ་ཆེན་བྱེ་མས་བརྒྱངས་པ་ཞིག་ལག་མགོར་གསོར་ནས་གཡས་སྐོར་གཡོན་སྐོར་ལན་འགའ་བྱས་ནས་གོམ་པ་འགའི་ས་ལ་གཡུགས།
༧༤༽ གནོན་རྒྱལ་མཚན་གྱིས། འབྲོང་རྭ་སྔོན་མོའི་གཞུ་མོ་བཀུག་སྟེ་མདའ་ལྟོང་ཁ་མ་གཅིག་གིས་བར་སྣང་མཐོན་པོར་འཕུར་བའི་བྱ་ཁྲ་ཞིག་གི་སྐེད་པ་དུམ་བུར་བཅད།
For the audio files